Mustafina Qymbat (1945 jyl, Eńbekshilder aýdany, Qudyqaǵash aýylynda dúniege kelgen) – qoǵam qaıratkeri, óńirdi damytýǵa eleýli eńbek sińirgen. Novosibir saýda institýtyń bitirgennen keıin (1969), Tselinograd oblysynda saýda basqarmasy bastyǵynyń 1-orynbasary bolyp qyzmet atqarǵan. 1985 j.j. Kókshetaý oblysynda saýda basqarmasynyń bastyǵy qyzmetterin atqardy. Osy kezeńderde Kókshetaý oblysynda saýda basqarmasy respýblika boıynsha 7 ret 1-oryndy jeńip aldy da, Qurmet týy osy basqarmada máńgilikke qaldyryldy. Kókshetaý qalasynda respýblikalyq «Ozyq tájiribe mektebi» uıymdastyryldy. 1992 j.j. Kókshetaý qalasynda tuńǵysh ret «Yntymaq» saýda-kommertsiıalyq firmasyn ashty. Kókshetaý oblysynyń ákiminiń orynbasary (1997 j.), Kókshetaý qalalyq máslihatynyń sońǵy eki shaqyrylymynyń depýtaty, sońǵy shaqyrylǵan máslihattyń hatshysy (2006 j.) bolyp saılandy. «Qurmet» ordenimen (2003 j.), «Tyń jerdi igerýge qatysqany úshin », «Eńbegi erligi úshin», «KR táýelsizdigine 10 jyl», «KR Konstitýtsiıasynyń 10 jyldyǵy», «Astana qalasynyń 10 jyldyǵy», «Saýda isiniń úzdigi» medaldarymen marapattalǵan.